Cənubi Koreya kripto məlumatlarını 48 ölkə ilə paylaşacaq
Cənubi Koreya 2027-dən kripto əməliyyatlarını 48 ölkə ilə bölüşəcək. Vergi şəffaflığı artırılacaq, investor məlumatları toplanacaq.
Cənubi Koreya kripto məlumatlarını 48 ölkə ilə paylaşacaq
«crypto» məlumatına görə, Cənubi Koreya hökuməti kriptovalyuta əməliyyatlarına dair məlumatları 48 ölkə ilə bölüşmək qərarına gəlib. Addım OECD-nin Crypto-Asset Reporting Framework proqramı çərçivəsində atılır və məqsəd vergi nəzarətini gücləndirməkdir.
Gözlənilir ki, artıq gələn ildən ölkədə fəaliyyət göstərən Upbit və Bithumb kimi kripto-birjalar həm yerli, həm də xarici investorların məlumatlarını toplamağa başlayacaq. Rəsmi tətbiq isə 2027-ci ilin əvvəlində olacaq.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
O vaxtdan etibarən kripto platformaları yalnız əməliyyat tarixçəsini deyil, həm də istifadəçilərin şəxsiyyət məlumatlarını vergi orqanlarına təqdim etməli olacaqlar. Bu, sadəcə monitorinq deyil, tam şəffaflıq öhdəliyi deməkdir.
OECD-nin hazırladığı mexanizm üzv ölkələr arasında avtomatik məlumat mübadiləsini nəzərdə tutur. Beləliklə, Cənubi Koreya Birləşmiş Krallıq, Almaniya, Yaponiya da daxil olmaqla bir sıra ölkələrlə əlaqəli informasiya paylaşacaq.
Təsadüfi deyil ki, bu sistemin tətbiqi həm də Cənubi Koreyanın «Crypto Tax» qanun layihəsi ilə üst-üstə düşür. Qeyd edək ki, hökumət ötən il 20%-lik yeni kripto vergisini iki il ləngitmişdi.
Çərçivəyə görə, kripto xidmət təminatçıları istifadəçilərin vergi rezidentliyi, identifikasiya nömrəsi kimi məlumatlarını toplamalı, şübhəli əməliyyatlar barədə illik hesabat verməlidirlər. Məqsəd beynəlxalq miqyasda vergi şəffaflığını artırmaq və kriptovalyutaların pul yuyulması və vergi yayınmasında istifadəsini məhdudlaşdırmaqdır.
Sərt addımların səbəbi də aydındır – 2021–2022-ci illərdə ölkədə təxminən 180 milyon dollar dəyərində kripto vəsait vergi yayınmasına görə müsadirə olunmuşdu.
Bəs bütün bunlar nəyə gətirəcək? Vergi sistemi daha güclü olacaq, amma sərmayədarların hər addımı nəzarətdə qalacaq. Yaxşı, ya pis – zaman göstərəcək.
Bu xəbəri necə dəyərləndirirsiniz?
