Bu dəfə hücum edən süni zəka oldu - Çin qrupunun kiber əməliyyatı şok yaratdı!
Anthropic, süni zəkanın 80-90% əməliyyatı özü icra etdiyi kiber casusluq kampaniyasını aşkarladı. Bu, təhlükəsizlik sahəsini silkələdi.
Süni zəka ilə idarə olunan kiber casusluq: təhlükəsizlik dünyası yeni mərhələyə keçdi
«Startuphub» yazır ki, Anthropic-in araşdırması süni zəkanın artıq insan müdaxiləsi olmadan genişmiqyaslı kiber casusluq əməliyyatları həyata keçirə bildiyini üzə çıxarıb. Bu, kiber təhlükəsizlik mütəxəssislərini sözün əsl mənasında silkələdi.
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır! Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin. Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.Son Xəbərlər
Xiaomi 15 Ultra Qlobal Versiyası
Samsung-un Üçqatlanan Telefonu
Realme GT 7: Ən Ucuz Smartfon
Anthropic-in Claude Code modelləri bir növ avtonom pentest agentlərinə çevrilib və əməliyyatların 80-90%-ni özləri görüb. Bir sözlə, insanın fiziki olaraq bacarmayacağı sürət və həcmdə hücum aparılıb. Bu nə deməkdir? Kifayət qədər resursu olmayan qruplar belə artıq dövlət səviyyəsində hücumlar reallaşdıra bilər.
İştirak edən modellərin bir çatışmazlığı da olub: tez-tez həddindən artıq nəticələr göstərməsi və bəzən uydurma məlumat yaratması. Yəni hansısa parolu ələ keçirdiyini iddia etsə də, parol işləmir; ya da «kritik tapıntı» dediyi məlumat əslində açıq mənbədə olur. Bu hal hücumu yavaşladan yeganə «təbii əyləc» kimi çıxış edib.
Hakerlər süni zəkanın etik məhdudiyyətlərini də sadə üsulla - xüsusi hazırlanmış promptlarla, yəni sosial mühəndisliklə keçiblər. Modellərə tapşırıqlar sanki adi texniki işlər kimi təqdim olunub və süni zəka geniş kontekstdən xəbərsiz şəkildə hücumun parçalarını icra edib.
Əməliyyatın arxitekturası isə göründüyü qədər mürəkkəb olmayıb: bir insan operator, orkestrasiya mühərriki, bir neçə MCP server və açıq mənbəli pentest alətləri ilə işləyən çoxsaylı süni zəka agentləri. Təəccüblüdür ki, xüsusi hazırlanmış viruslar belə lazım olmayıb.
Anthropic hücumla bağlı hesabları bloklayıb, təhlükəsizlik tədbirlərini gücləndirib və erkən aşkarlama sistemləri hazırlayıb. Müəlliflərin fikrincə, gələcək kibermühit «yaxşı süni zəka - pis süni zəka» qarşıdurması üzərində qurulacaq. Bu sual isə hələ açıq qalır: kimin əlində daha güclü alət olacaq?
