«Bridgestone» mümkün kiberhücuma məruz qaldı

«Bridgestone» kiberhücum insidentini araşdırır – istehsalata təsirlər

«TechRadar» xəbər verir ki, dünyanın ən böyük şin istehsalçılarından olan «Bridgestone» mümkün kiberhücumla üzləşib. İnsident şirkətin bəzi zavodlarının fəaliyyətinə təsir göstərib.

Məlumatlara görə, Cənubi Karolinadakı iki zavod və Kanadanın Kvebek əyalətindəki müəssisə hücumdan təsirlənib. İlkin mərhələdə hücum aşkarlanaraq qarşısı alınıb, hakerlər isə ciddi məlumat ələ keçirə bilməyib.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

«Bridgestone Americas» açıqlamasında bildirib ki, problem yalnız bəzi müəssisələri əhatə edib, dərhal lokallaşdırılıb və təhlükəsizlik protokollarına uyğun tədbirlər görülüb. Şirkət qeyd edib ki, müştəri məlumatları və sistem interfeysləri risk altında deyil.

Açıqlamada əlavə olunub: «Forensik araşdırma davam edir, amma inanırıq ki, insidenti vaxtında nəzarət altına aldıq». Hücumun məsuliyyətini indiyədək heç bir qrup üzərinə götürməyib. Bununla belə, son dövrlərdə aktiv olan «Scattered Lapsus$ Hunters» haker qrupu «Jaguar Land Rover» kiberhücumunu sahiblənmişdi.

Qeyd edək ki, «Bridgestone» Yaponiyada təsis olunub və hazırda 150 ölkədə fəaliyyət göstərir. Şirkətin 50 zavodu, 55 min işçisi var. Satış gəlirləri 2024-cü ildə 12 milyard dollara çatıb. Şirkət yalnız şin deyil, həm də rezin məmulatları, qolf avadanlıqları, velosipedlər və infrastruktur üçün materiallar istehsal edir.

Hadisənin qlobal bazarda hansı nəticələr doğuracağı hələlik bəlli deyil.