Böyük Britaniyada 3,5 milyon funt dəyərində saxta oyuncaqlar saxlanıldı

Böyük Britaniyada saxta «Labubu» oyuncaqları narahatlıq doğurur

«Independent» xəbər verir ki, Britaniya sərhəd məntəqələrində bu il 3,5 milyon funt dəyərində saxta oyuncaqlar saxlanılıb. Onların 75 faizi təhlükəsizlik testlərindən keçməyib və ciddi risklər yaradır.

Ümumilikdə saxlanılan 259 min oyuncaqdan 236 mini məşhur «Labubu» kuklalarının saxta versiyasıdır. Yəni hər 10 oyuncağın demək olar ki, 9-u imitasiya məhsuludur.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Ekspertlərin testləri göstərib ki, bəzi saxta məhsullarda qadağan olunmuş xərçənglə əlaqəli kimyəvi maddələr və uşaqlar üçün boğulma riski yaradan hissələr mövcuddur. Hətta körpələr üçün nəzərdə tutulmuş partiyalarda belə bu cür təhlükəli materiallar aşkarlanıb.

IPO araşdırmasına görə, Britaniya alıcılarının 92 faizi saxta məhsulların mövcudluğundan xəbərdardır. Amma onların çoxu ucuzluğu təhlükəsizlikdən üstün tutur. Sorğuya əsasən, hər 10 nəfərdən yalnız 3-ü təhlükəsizliyi qiymətdən üstün tutur.

Buna cavab olaraq IPO «Fake Toys, Real Harms» kampaniyasına start verib. Məqsəd – valideynləri, satıcıları və sosial şəbəkə təsirçilərini xəbərdar etməkdir: ucuz saxta oyuncaqlar uşaqlar üçün ciddi nəticələr doğura bilər.

IPO direktor müavini Helen Barnham bildirib: «Saxta oyuncaqların qablaşdırması alıcıları çaşdırmasın. Onların içində zəhərli kimyəvilər, gizli boğulma riski və qüsurlu detallar ola bilər».

Ekspertlərin tövsiyəsi sadədir: uşaqları sınaq meydançasına çevirməyin. Ən doğru seçim – yalnız tanınmış brendlərin rəsmi saytından və etibarlı satıcılardan alış-veriş etməkdir.

Valideynlərə əlavə məsləhət: oyuncaqlarda UKCA və ya CE nişanı olub-olmadığını, qablaşdırmada Birləşmiş Krallıq və ya Aİ ünvanı göstərilib-göstərilmədiyini yoxlayın. Şübhəli məhsulları geri qaytarın və digər alıcıları xəbərdar etmək üçün rəy bildirin.

Bir sözlə, ucuz qiymətli oyuncaqların arxasında gizli təhlükə ola bilər. Bəs bu riski gözə almağa dəyərmi?