Apple istifadəçiləri casus proqram hücumları barədə xəbərdar edib
Apple 2025-ci ildə Pegasus və Predator kimi casus proqram hücumlarının davam etdiyini açıqladı və istifadəçilərə təhlükəsizlik xəbərdarlıqları göndərdi.
Apple 2025-də casus proqram hücumlarını təsdiqlədi – Pegasus və Predator yenidən gündəmdə
«androidheadlines» xəbərinə görə, Apple 2025-ci ildə də casus proqram hücumlarının davam etdiyini təsdiqləyib. Şirkət yüksək vəzifəli şəxslər də daxil olmaqla həssas qruplara yönəlmiş hücumlarla bağlı istifadəçilərə xüsusi təhlükəsizlik bildirişləri göndərib.
Pegasus və Predator kimi alətlərin adının hallanması, vəziyyətin nə qədər ciddi olduğunu bir daha ortaya çıxarıb. Apple uzun illərdir ki, iOS təhlükəsizliyini ön planda saxlayır və hüquq-mühafizə orqanları üçün gizli «arxa qapı» yaratmağı rədd edib. Lakin, ekspertlər bildirir ki, hücum ehtimalı heç vaxt tam aradan qalxmır.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Bildirilib ki, Fransada da bir sıra istifadəçilərə bu barədə xəbərdarlıqlar göndərilib. Məlumata görə, 2021-ci ildən bəri belə hallarda jurnalistlər, hüquqşünaslar, siyasi fəallar, siyasətçilər və strateji sektorlarda çalışan rəhbərlər ən çox hədəf olur.
Bildiriş alan istifadəçilərə özbaşına dəyişiklik etməmək – cihazı silməmək, yenidən yükləməmək tövsiyə edilib, çünki bu, sübutların qorunmasına mane ola bilər. Yalnız 2025-ci ildə Apple bu hallarla bağlı dörd dəfə xəbərdarlıq yayıb: 5 mart, 29 aprel, 5 iyun və 3 sentyabr tarixlərində.
Kibertəhlükəsizlik qurumları cihazların ən son proqram yeniləmələri ilə işlədilməsini, avtomatik yeniləmələrin aktivləşdirilməsini və şəxsi cihazlarla iş cihazlarının ayrı istifadə olunmasını məsləhət görür. Eyni zamanda, güclü parollar, ikiaddımlı doğrulama və passkey texnologiyası da tövsiyə olunur.
Ekspertlərin fikrincə, ənənəvi qaydalara əməl etmək – şübhəli linklərdən uzaq durmaq, tanımadığınız ünvanlardan gələn faylları açmamaq və yalnız App Store-dan tətbiqlər yükləmək bu hücumlara qarşı ən effektiv müdafiədir.
Bu xəbəri necə dəyərləndirirsiniz?
