Almaniyada «Skoda» rekordu qırdı - «BMW 5 Series» və «Audi A5» parladı
Almaniyada oktyabr satışları 7,8% artdı, «Skoda» pay rekordu qırdı, «BMW 5 Series» və «Audi A5» isə satış sıçrayışı göstərdi.
Almaniyada oktyabr satışları artdı - «Skoda» rekordu qırdı, «BMW 5 Series» və «Audi A5» parladı
«BestSellingCarsBlog» məlumatına görə, Almaniyada 2025-ci ilin oktyabr ayında yeni avtomobil satışları ötən ilin eyni dövrü ilə müqayisədə 7,8% artaraq 250 133 ədədə çatıb. Beləliklə, illik nəticələr də azacıq müsbətə çevrilib - ilin əvvəlindən bəri artım 0,5%-dir.
Ən diqqətçəkən göstərici isə elektrik avtomobillərinin (BEV) 47,7% artmasıdır - ay ərzində 52 425 ədəd satılıb və bazardakı payı 21%-ə çatıb. Bir il əvvəl bu göstərici cəmi 15,3% idi. İldə ümumi 434 627 ədəd elektrik avtomobili ilə 39,4% artım qeydə alınıb.
Son Xəbərlər
Xiaomi 15 Ultra Qlobal Versiyası
Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!
Samsung-un Üçqatlanan Telefonu
Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.
Realme GT 7: Ən Ucuz Smartfon
Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.
Markalar arasında «Volkswagen» bazarın lideri olaraq qalır - 19,3% payla. Lakin asıl sürpriz «Skoda»dan gəldi: şirkət tarixində ən yüksək paya - 8,9%-ə çataraq iyul ayındakı 8,8%-lik nəticəsini geridə qoyub. Bu, alman bazarında əsl rekord sayılır!
Bundan əlavə, «BMW» 24,3%, «Audi» isə 15,5% artımla dinamiklik nümayiş etdirib. Çin brendi «BYD» isə ilk dəfə Top-20-yə daxil olaraq 20-ci yeri tutub və satış həcmini 866% artırıb. Maraqlıdır ki, «BYD» bu dəfə «Tesla»nı 5:1 nisbətində qabaqlayıb.
Modellər üzrə lider yenə də «VW Golf» olub. Onu «T-Roc» və azalma göstərən «Tiguan» izləyir. «Skoda Octavia» beşinci yerə yüksəlib, «BMW 5 Series» isə 78,5% artımla ilin ən yüksək göstəricisinə çataraq 7-ci sıraya qalxıb. «Audi A5» isə 315% artımla 10-cu yeri tutaraq ötən ilin 80-ci yerindən şahə qalxıb. Bir sözlə, payız ayı alman markaları üçün çox uğurlu keçib.
Əslində bu artım təkcə satış göstəricisi deyil - bazarın dirçəlməsi və elektromobillərə keçidin sürətlənməsi kimi də qiymətləndirilir.
Bu xəbəri necə dəyərləndirirsiniz?
