2025-in ən yaxşı bükülən telefonları: Fold 7, Magic V5, Find N5

2025-in ən yaxşı bükülən smartfon modelləri təqdim edilib

«phonearena» yazır ki, bükülən smartfonlar artıq tam inkişaf mərhələsinə çatıb və 2025-ci il onların geniş istifadəçi üçün «hazır» göründüyü dövr olub. Əsas yenilikçi cihaz isə Samsung Galaxy Z Fold 7 hesab edilir. Model incəliyi, yüngüllüyü və 200 MP-lik kamerası ilə liderliyə qayıdıb.

Oppo Find N5 kamerada üstünlüyünü qoruyur, Honor Magic V5 isə ən nazik və portativ model kimi seçilir. Digər tərəfdən Vivo X Fold 3 Pro rekord batareya ömrü ilə fərqlənir. Rahatlıq istəyənlər üçün isə Google Pixel 9 Pro Fold diqqətəlayiq seçimdir, lakin onun yerini tezliklə Pixel 10 Pro Fold alacaq.

Son Xəbərlər

Xiaomi 15 Ultra Qlobal Versiyası

Xiaomi yeni flaqman modeli Xiaomi 15 Ultra-nı qlobal satışa çıxaracağını təsdiqlədi. HyperOS 2.0 ilə yeni dövr başlayır!

Daha ətraflı

Samsung-un Üçqatlanan Telefonu

Samsung, Galaxy Unpacked tədbirində üçqatlanan telefon konseptini təqdim etdi. Yeniliklər haqqında daha çox məlumat əldə edin.

Daha ətraflı

Realme GT 7: Ən Ucuz Smartfon

Snapdragon 8 Elite çipi ilə Realme GT 7 fevral ayında təqdim ediləcək. Yeni xüsusiyyətlər və uyğun qiymət gözləyir.

Daha ətraflı

Galaxy Z Fold 7 ümumi istifadədə ən yaxşı seçim sayılır. Cihaz 8.9 mm qalınlıq, 215 qram çəki və 6.5 düymlük xarici ekranla gündəlik istifadədə adi telefon təsiri bağışlayır. 8 düymlük daxili ekran daha parlaqdır, 200 MP əsas kamera isə S25 Ultra səviyyəsinə yaxındır. Snapdragon 8 Elite prosessor, uzunmüddətli proqram dəstəyi və geniş bazar mövcudluğu ilə Fold 7 qlobal liderdir.

Batareya ömründə irəlidə olan Vivo X Fold 3 Pro 5700 mAh gücündədir. Optimallaşdırılmış istilik idarəetməsi sayəsində cihaz 6 saat 45 dəqiqəlik stres testindən çıxıb. Yeganə mənfi məqam — 240 qramlıq çəkidir.

Oppo Find N5 fotoqrafiyada ən güclü kamera ilə fərqlənir: 50 MP əsas, 50 MP telefoto və 8 MP ultra-geniş sensorları ilə kadrlarda detallı nəticələr verir. Amma hazırda əsasən Asiya bazarında əlçatandır.

Ən portativ seçim Honor Magic V5-dir. İyulda təqdim olunan model həm nazikliyi, həm də güclü performansı ilə diqqəti çəkir. Sürətli şarj funksiyası sayəsində cihaz cəmi 30 dəqiqəyə 80 faizlik səviyyəyə çatır. Amma oyun zamanı səsucaldıcıların örtülməsi çatışmazlıq hesab olunur.

Pixel 9 Pro Fold istifadədə ən rahat modellərdəndir. Xarici ekran adi telefon təcrübəsi təqdim edir, 8 düymlük daxili ekran isə multitapşırıqları dəstəkləyir. Bununla belə, yaxın günlərdə təqdim olunacaq Pixel 10 Pro Fold daha böyük batareya, IP68 qoruma, Tensor G5 çipi və Qi2 dəstəyi ilə bazarda yerini alacaq.

Mütəxəssislər bildirir ki, əsas sual indi dəyişməz qalır: indi almağa dəyər, yoxsa yeni modeli gözləmək daha məntiqli olacaq?